Paroles : Rassin - Sabouk

Rassin

Dann comencemen lavé rien kun hom ek la natir
Dann comencemen jist la natir té com garnitir
Zordi na un flo moune i viv la rienk pou zot fitir
chakaine, son chakaine, la lois talion son l’avenir
in !

Dann comencemen té rode pas lère, té pa nécésère
Zordi tout i march 100 a lère, mêm le temp i perd lère
Si zordi si en ba, ti coné pa ousa ti sorte
Demain ti conaitra jamé ousa ti sava
mais...

’Blie pa ton racine ti frèr, racine la tèr
’Blie pa ton racine ti sèr, racine ton coulèr
Nout momon té l’africa, papa coté calcuta

’Blie pa ton racine ti frèr, racine la tèr
’Blie pa ton racine ti sèr, racine ton coulèr

Pa pli loin dan fond mon mémoir
Et na poin nation pli loin ke sa

Dann comencemen ton syé té voi pa pli loin ke la mèr
Zordi zoiseau en fèr i emèn atouè derièr la mèr
Laba dans pay dehor oté tout zaffaire les gadiamb
Laba dans pay dehor tension ton tête tourne dann vavang

Viv pas zordi pou pense demain ti sera pi la
Cet va rèt la, si la tèr, sora ni toué, ni moin ti frèr
Cet va rèt la, si la tèr sora soleil pou chofé
Sora la pli pou rafraichi, le vent pou souflé
Com lété dann comencemen sora pareil dan la fin

Viv pas zordi pou pense demain, ti sera pi la
Cèt va rèt la, si la tèr, sora ni toué ni moin ti frèr
Viv pas zordi pou pense demain, lèss fé ton destin
in !
Mais...
’Blie pa ton racine ti frèr, racine la tèr
’Blie pa ton racine ti sèr, racine ton coulèr
Nout momon té l’africa, papa coté calcuta

’Blie pa ton racine ti frèr, racine la tèr
’Blie pa ton racine ti sèr, racine ton coulèr
Pa pli loin dan fond mon mémoir
Et na poin nation pli loin ke sa

’Blie pa ton racine ti frèr, racine la tèr
’Blie pa ton racine ti sèr, racine ton coulèr
Nout momon té l’africa, papa coté calcuta

’Blie pa ton racine ti frèr
’Blie pa ton racine ti sèr

LES AUTRES Bonus DE En direct
 
 

Jeu des séries

Tablette

Gagnez une tablette Samsung chaque semaine !