Paroles : Ti kaz mon ker - Nicole Dambreville

Ti kaz mon ker

Moin la pi pèr tangaz
Moin la pi pèr mové lèr

Kan la pli i tiktik
Si bardo mon pié d’kèr
Mi fé pi tro d’larlik
Mi pans sourir mon zézèr

Kan la pli an lavalasse
Si la tèr damé mon kèr
Mi trakasse pi mon kalbasse
Lenkostik bann mo dou zézèr
Mon zézèr

Mon kèr lé kom in kaz
Toute porte lé rouvèr
Moin la pi pèr tangaz
Moin la pi pèr mové lèr

Kan la fré i sabouk
Dann salon mon kèr
Tout kapkap an misouk
I rod salèr mon zézèr

Kan la tèr i fé tremb
Toute fondasion mon kèr
Mi mazine nout dé ansamn
Mi tiembo koté mon zézèr
Mon zézèr

Refrain
Mon kèr lé kom in kaz
Toute porte lé rouvèr
Moin la pi pèr tangaz
Moin la pi pèr mové lèr

Kan fé noir i fé la frime
Dann bordaz mir mon kèr
Tout fanal mi alime
Sé flam lamour mon zézèr

Kan moulal lé mayé
Anlèr farfar mon kèr
Mi anbaras pi pou tiré
Li sap ek kozman mon zézèr
Mon zézèr

Refrain
Mon kèr lé kom in kaz
Toute porte lé rouvèr
Moin la pi pèr tangaz
Moin la pi pèr mové lèr

LES AUTRES Bonus DE En direct
 
 

Jeu des séries

Tablette

Gagnez une tablette Samsung chaque semaine !